டெக்ஸ் வில்லர்

டெக்ஸ் வில்லர்.......................!!!!!!!!!!!

பிறப்பு.........1840(தோராயமாக)

தந்தை.......கென்னத் வில்லர்

தாய்.......மே வில்லர்(mae willer)(டெக்ஸ் விவரம் அறியும்முன் இறந்து விடுகிறார்)

மூத்த சகோதரன்.....ஸாம் வில்லர்

பிறப்பிடம்......டெக்சாஸ் மாகாணத்தில் பிட்டர் ஸ்பிரிங்ஸ் கிராமம்.

பகுதி...ஒன்று.............

.......கென்னத் வில்லர் தனது மகன்கள் மற்றும் gunny bill எனும் வயதான உதவியாளர் துணையுடன் ஒரு சிறு பண்ணையை நடத்தி வருகிறார்... 

gunny bill பிறிதொரு தந்தையை போல் துப்பாக்கியை கையாள ,குறி தவறாது சுட டெக்ஸ்க்கு கற்று தருகிறார்......

டெக்ஸ்க்கு 15வயது இருக்கையில் போக்கிரி கும்பல் ஒன்று பண்ணையை சூறையாடி கென்னத் வில்லரை கொன்று தப்பி செல்கிறது...

... gunny bill –ஐ உடன் அழைத்து கொண்டு மெக்சிகோ வரை அந்த கும்பலை விரட்டி செல்லும் டெக்ஸ் அனைவரையும் கொன்று பழி தீர்க்கிறார்.

மீண்டும் டெக்சாஸ் திரும்பும் வழியில் Rurales எனப்படும் மெக்ஸிக எல்லை ரோந்து காவல் படையை இருவரும் எதிர்கொள்கின்றனர். 

பெரும்பாலான எதிரிகள் கொல்லப்பட்டு சிலர் தப்பிசெல்கின்றனர்.இந்த சண்டையில் gunny bill கொல்லபடுகிறார்......

அவர்உடலை தன் பண்ணைக்குஎடுத்து வந்து புதைத்தபின் தனது பங்குகளை சகோதரன் ஸாமிடம் ஒப்படைத்து ஊரை விட்டு கிளம்புகிறார் டெக்ஸ்....

---------------------------------------------------------------------------------------------------------------------------------------------

பகுதி இரண்டு.........

அபிலீன் நகரம் வரும் டெக்ஸ் அங்கு கார்லிஸ் சகோதரரர்களிடம் வேலையில் சேர்கிறார்...rodeo என்ற ஊர் ஊராக சென்று குதிரை,காளைகள் அடக்கும் சாகசங்கள்,சுருக்கு கயிறு வீசும் ஜால வித்தை (லாசோ) போன்ற கேளிக்கையூட்டும் நிகழ்ச்சிகளை நடத்துபவர்கள் கார்லிஸ் & கோ.

அற்புதமான ரோடியோ வீரராக உருமாறுகிறார் டெக்ஸ்.....இந்த காலகட்டத்தில்தான் டைனமைட் என்ற ஆக்ரோஷமான குதிரையை அடக்குகிறார். பின்னர் நெடுநாள் டைனமைட் அவரின்உற்ற நண்பனாக விளங்குகிறது.......

இரண்டு வருடங்கள் இவ்வாறு கழிந்தபின் சகோதரன் ஸாம் கொல்லப்பட்ட சேதி டெக்சை வந்தடைகிறது.

சாமின் பண்ணையை அடையும்பொருட்டு உள்ளூர் ஷெரீப் காலின் என்ற நபரின் உதவியோடு டாம் ரெபோ என்ற கால்நடை பண்ணை முதலாளி செய்த கொலை எனதெரிய வருகிறது.....

வெகுண்டுஎழும் டெக்ஸ் டாம்ரெபோ மற்றும் அவரின் கைகூலிகளை ஒட்டுமொத்தமாக தனியாளாக வேரருக்கிறார்.

ஆனால் தப்பிவிடும் ஷெரீப் காலின் டெக்ஸ் மேல் பல இல்லாதபழிகளை சுமத்தி சட்டத்தினால்தேடப்படும் ஓர் குற்றவாளி என்ற நிலையை உருவாக்குகிறார்.....

பகுதி 3

மேற்கூறிய சம்பவங்களுக்கு பிறகு ராட் ஸ்டேன்டன்,டிக் எனும் நண்பர்கள்உடன் இணைந்து கால்நடை விற்கும் குழுவாக டெக்ஸ் செயல்படுகிறார்...

அமெரிக்க உள்நாட்டு போரில் தெற்கத்தியர்களுடன் சேர்ந்து போரிட விரும்பும் ராட் –ன் கருத்தை மறுக்கிறார் டெக்ஸ்....

மனிதர்கள் அனைவரும் சமம்......அடிமை முறையை தான் விரும்பவில்லை என வெளிப்படையாகவே கூறுகிறார்....

ராட் தன்வழியில் செல்லவிரும்பி தனதுபங்கு மந்தைகளை பெற்று பிரிந்து செல்கிறார்.......

வடக்கு நோக்கிசெல்லும் டெக்ஸ்,டிக் வழியில்குறுக்கிடும் கான்பெடரேட் சிறு படைபிரிவிலிருந்து தங்கள் மந்தையை காப்பாற்றி அதை விற்று பணத்துடன் திரும்புகின்றனர்....

செயின்ட் லூயிஸ் நகர் செல்லும் வழியில் கெண்டகி மூன்றாவது குதிரை படையை சார்ந்த லெப்டினன்ட் க்லைன்டர் என்னும் ஸ்க்வுட்டை உயிர் அபாயத்திலிருந்து காக்கின்றனர்.

பின்னர் போரில் காயமுறும் க்லைண்டர் இவர்களிடம் முக்கிய செய்திஒன்றை கேப்டன் டார்க் இடம் கொடுக்கசொல்லி அனுப்புகிறார்...

கௌபாய்களை சந்திக்கும் டார்க் இவர்களை ஸ்கவுட்டுகளாக சேரும்படி வேண்டுகிறார்...

சில நிபந்தனைகளுடன் இருவரும் ஒப்புகொள்கின்றனர்....

சில காலம் கழித்து சிலோ என்ற இடத்தில் யூனியன் மற்றும்கான்பெடரேட் இருவருக்கும் நடக்கும் கோரயுத்தத்தில் குற்றுயுராக களத்தில் கிடக்கும் நண்பன் ராட்ஸ்டேன்டன்-ஐ சந்திக்க நேருகிறது.

மரண தறுவாயில் நண்பனின் இனிய வார்த்தைகள் டெக்ஸ்-ன் மனத்தை சஞ்சலம் செய்கிறது....அருமையான நண்பர்களை பிரிக்கும் அர்த்தமில்லாத போரை அவர்மனம்வெறுக்கிறது...

இதன்பின் நேரடியாக போரில்ஈடுபடாது போரில் காயமுற்றோர்க்கு உதவுவது,உணவு வழங்கும் பிரிவு ஆகிய பகுதிகளில் பணி புரிகின்றார்..

டெக்ஸ் தாய்மண்ணான டெக்சாஸ் கான்பெடரேட் பக்கம் சார்ந்தது என்பது குறிப்பிட தகுந்தது

பகுதி 4

போர் முனை பகுதிகளில் பணியாற்றினாலும் இன்னமும் தேடப்படும் ஒரு குற்றவாளியாகவே கருதபடுகிறார் டெக்ஸ்....

அவரது அநியாயம் நடந்தால் தட்டி கேட்கும் மனப்பான்மை,துப்பாக்கியை மின்னல் வேகத்தில் கையாளும்திறன் அவரை பிரபலப்படுத்துகிறது

இதை கேள்விப்படும் மேற்கு பிராந்தியத்தின் சிறப்பு அரசாங்க உயர்அதிகாரியான மேஜர் ஹெர்பர்ட் மார்ஷல் அவருக்கு பொது மன்னிப்பு வழங்கி மேற்கு பகுதியின் ரேஞ்சர் பிரிவில் சேர்த்து விடுகிறார்...

இப்படி ரேஞ்சர் பணியில் சேரும் டெக்ஸ் அடிக்கடி கிட் கார்சனுடன் இணைந்து வேலைசெய்ய நேரிடுகிறது....இருவரும் உயிர் நண்பர்கள் ஆகின்றனர்...

அமெரிக்க ராணுவ இதர விஷயங்களை மெக்ஸிகோவுக்கு உளவு சொல்லும் ஒரு கும்பலை பிடிக்க பணிக்கபடுகிறார் டெக்ஸ்....

இப்போதுதான் தனது முக்கியஎதிரியான ஸ்டீவ் மெபிஸ்டோ டிகார்ட்-ஐ சந்திக்கிறார் டெக்ஸ்...

மெபிஸ்டோ (சாதாரண மேஜிக் நிபுணன் ஆகஇருக்கும் மெபிஸ்டோ பின்னாளில் ஆவியுலக பேச்சாளன், மாயா உருவெளி தோற்றங்களை ஏற்படுத்தும் திறமையாளி, மிஸ்டிக் பவர் ஆசாமி எனபல அவதாரங்கள் எடுக்கிறார்) மற்றும் அவரது சகோதரி லில்லி ஆகிய இருவரும்தான் உளவு கடத்துவதில் சூத்திரதாரிகள் என்று டெக்ஸ் கண்டு பிடிக்கும் சமயம் அமெரிக்க லெப்டினன்ட் ஒருவரை கொலைசெய்து அந்த பழியை டெக்ஸ் மேல் விழும்வண்ணம் சூழ்ச்சிவலை செய்து தப்புகின்றனர் மெபிஸ்டோவும் லில்லியும்....

கார்சன்உதவியுடன் சிறையிலிருந்து தப்பும் டெக்ஸ் மெபிஸ்டோ ஜோடியை தேடி மெக்ஸிகோ செல்கிறார்..

அங்கு ஒரு பெரியஎஸ்டேட் வாங்கி செட்டில் ஆகிஉள்ளனர் மெபிஸ்டோ&கோ

மெக்சிகோவின் ஊழல் மலிந்த  அரசாங்கத்தை எதிர்த்து போராடும் montales எனும் போராளியின் துணையுடன் மெபிஸ்டோ &லில்லியை கைது செய்து தன் மேல் உள்ள களங்கத்தை துடைக்கிறார் டெக்ஸ்

 montales பின்னாளில் சிகுகுவாவின் கவர்னர், மெக்ஸிகோ   வைஸ்பிரசிடென்ட்  என     உயர்கிறார்

பகுதி 5

அமெரிக்கா திரும்பும் டெக்ஸ்-க்கு மறுபடியும் ரேஞ்சர் பணி வழங்கபடுகிறது..

நவஜோ பழங்குடியினருக்கு ஆயுதங்கள் கடத்தும் கும்பலை பிடிக்க ஆணை வருகிறது...

இதுபற்றிய புலனாய்வில் டெக்ஸ் ஈடுபட்டிருக்கும்போது நவஜோ தலைவர் ரெட்ஆரோவால் சிறை பிடிக்கபடுகிறார் டெக்ஸ்..

நவஜோக்கள் அவரைகொல்ல எத்தனிக்கும்போது ரெட்ஆரோவின் மகள் லிலித் டெக்ஸ்-ஐ மணம் செய்து கொள்ள விரும்புவதால் காப்பாற்ற படுகிறார்..

லிலித்-ன் முடிவுக்கு காரணம் ரேஞ்சர் வில்லையை அணிந்துள்ள டெக்ஸ் கொல்லபட்டால் அமெரிக்க ராணுவம் அதை காரணமாக வைத்து தொடுக்கும் போரால் இருபுறமும் ஏற்படபோகும் ரத்தக்களரியை தடுப்பதற்கே.........

நவஜோ பெண்ணை மணந்து இருப்பதால் வெள்ளையர் இடையே ஆரம்பத்தில் குழப்பம் ஏற்படாதிருக்கவும்,ஒவ்வொருமுறையும் ஹெர்பர்ட் மார்ஷலிடம் அனுமதி பெற்று செயலாற்றுவதை தவிர்க்கவும் கறுப்பு உடை அணிந்து  அவர் பணியாற்றுவதை கண்ட’நவஜோக்கள் அவருக்குஇட்டபெயர்தான்

Aquilla della notte……….   இரவு கழுகு...

ரெட்ஆரோவின் மூலம் ஆயுதகடத்தலில் ஈடுபடுவோர் பிரெட் பிரன்னன், ஜான் டெல்லர்  என்றஇருவர் எனஅறிந்து கொள்ளும் டெக்ஸ் அந்த கும்பலையே கார்சன் உதவியுடன் கைதுசெய்து சிறையில் தள்ளுகிறார்..

திருமண வாழ்க்கையின் பொறுப்புகள் டெக்ஸ்-ஐ ரேஞ்சர் பதவியிலிருந்து

ராஜினாமா செய்ய வைக்கின்றன.......

பகுதி 6

புரிதல் ஏதுமின்றி சூழ்நிலை வசதி கருதி மணம் செய்த டெக்ஸ்- லிலித் காலப்போக்கில் மனமொத்த தம்பதி ஆகின்றனர்..

இரண்டு வருடங்களில் கிட் பிறக்கிறான்..

( கிட் கார்சன் காட்பாதர் என்பதால் அந்த பெயர்)

சின்னகழுகு என நவஜோக்கள் அழைக்கின்றனர்.....

 இந்த இனிமையான வாழ்வு நீடிக்கவில்லை......

ஊழல் அரசியல்வாதிகள் சிலர்உதவியோடு சிறையிலிருந்து வெளியேறும் பிரெட் பிரன்னன், ஜான் டெல்லர்  இருவரும் மறுபடியும் ஆயுத கடத்தலில் ஈடுபட ஏதுவாக ராணுவ கிடங்குகளில் இருந்து திருடப்பட்ட பெரியம்மை நச்சு கிருமிகள் அடங்கிய போர்வைகளை நவஜோ பகுதியில் புழங்க விடுகின்றனர்...

இதனால் பல நவஜோ கிராமங்களே அழிகின்றன.

இதில் லிலித்-ம்அடக்கம் ....

சம்பவம் நடக்கும்போது கிட்,டெக்ஸ் வேறு பிராந்தியம் சென்றுஇருப்பதால் தப்புகின்றனர்..

மனைவி இறந்து சிலமணி நேரம் கழித்து அங்கு வரும் டெக்ஸ் அவரது கல்லறை அருகே அதற்கு காரணமானவர்களை அழிக்க சபதம் பூணுகிறார்.

 சில மாதங்களில் ஜான் டெல்லர் கொல்லபடுகிறார்...

டெக்ஸ்-ஆல் எப்போது கொல்லபடுவோமோ என்ற அச்சத்தில் வாழும் பிரெட் ப்ரன்னன் பைத்தியம்பிடிக்கும் நிலைக்கு தள்ளப்பட்டு பல வருடங்கள் கழித்து டெக்சால் கொல்லபடுகிறார்....

பகுதி 7

தன் மகனை வளர்க்க நவஜோ பிராந்தியம் செல்லும் டெக்ஸ்க்கு டைகர் ஜாக் எனும் வாலிபன் உற்ற துணையாக மாறுகிறான்...

ஏற்கனவே இருவரும் சந்தித்துள்ளனர்.

 முன்னொரு சமயம் தனது மனைவியை கொன்ற யுடேஸ் பிரிவினரை டைகர்ஜாக் பழி வாங்க செல்லும்போது டெக்ஸ் அதற்கு உதவி செய்துஇருக்கிறார்...

இருவரும் ரத்த சம்பந்த சகோதரர் போல் மாறுகின்றனர்..........

லிலித் மரணத்திற்கு பிறகு ரெட்ஆரோ டெக்ஸ்-ஐ வளர்ப்பு மகனாக தத்தெடுப்பதால் நவஜோ இன தலைவனாக உருவெடுக்கிறார்......

மற்ற பழங்குடியின தலைவர்களுடன் நட்பு பூணுகிறார்....

அபாச்சே தலைவர் கோசைஸ்-யுடன் சகோதர நட்பு ஏற்படிகிறது...

நவஜோ தலைவராய் இருப்பதிலும் பிரச்சினைகள்இல்லாமல் இல்லை..

லிலித்-ன் ஒன்று விட்ட சகோதரன் சாகுவா தன் தாய் ஜெண்டாவின் தூண்டுதலால் வெள்ளையர் ஒருவர் நவஜோ தலைவனா என போர்க்கோலம் பூணுகிறான்.

கிட் வில்லரை சாகுவா தரப்பு கடத்தி செல்வதால் பெரும் யுத்தம் ஏற்படும் சூழ்நிலை தோன்றுகிறது...

எதிர்பாராதவிதமாக தாய்ஜெண்டா மரணமடைவதால் அதிர்ச்சியுறும் சாகுவா சமாதானத்திற்கு வருகிறான்....

தலைமை பொறுப்பை விட்டு தர  டெக்ஸ் முன்வந்தும் மறுக்கிறான்....

பின்னர் பெரியவர்கள் ஏற்பாட்டின்படி மலைபகுதிக்கு சாகுவா, சமவெளி பகுதியில் டெக்ஸ் தலைவர் என முடிவாகிறது.

இதற்கு பின் வருவது அனைவரும் அறிந்ததே

...